AnimeTV
ჩემი ფავორიტები
მორბენალი სტრიქონი (თქვენი რეკლამის ადგილი)

ობიტო უჩიჰა

    ობიტო - კონოჰაგაკურეს შინობი, უჩიჰას კლანის წევრი და კაკაში ჰატაკესა და რინ ნოჰარასთან ერთად მინატო ნამიკაზეს რაზმის ერთ-ერთი წევრი იყო. აკადემიაში სწავლის პერიოდში ის მუდმივად (ყველგან)იგვიანებდა რის გამოც მეგობრების, განსაკუთრებით კი კაკაშის მუდმივ უკმაყოფილებას იწვევდა. მან ჩუნინის წოდების მიღება 11 წლის ასაკში შეძლო.

 
მესამე მსოფლიო ომის პერიოდში კი მინატოს რაზმს დაევალა მისიაზე წასვლა და მტრისგან თავდაცვის მიზნით კანაბის ხიდის აფეთქება. მისიაზე მინატო არ ახლდათ და მტერმა მოახერხა რინის შეპყრობა. ობიტომ მაშინვე გადაწყვიტა მის დასახსნელად წასვლა, კაკაში კი რომელიც ამ მისიას მეთაურობდა, მისიის ბოლომდე შესრულების მომხრე იყო. ამ დროს უთხრა ობიტომ კაკაშის სიტყვები, რაც შემდგომში კაკაშიმ თავისი რაზმი 7-ს წრთვნის დროს გამოიყენა: "შინობი, რომელიც წესებს არღვევს ნაგავია, მაგრამ ის ვინც თავის მეგობრებს მიატოვებს - ნაგავზე უარესია". მტერთან შეტაკების დროს ობიტომ შარინგანის გააქტიურება შეძლო როცა კაკაშის იცავდა, საბოლოოდ კი ორივემ დაიხსნა რინი და გამოქვაბულიდან როცა გამოდიოდნენ, ქვათაცვენის დროს კაკაშის რომელსაც ლოდი ეცემოდა ობიტომ ხელი ჰკრა და ლოდის ქვეშ თავად მოჰყვა. სიკვდილის წინ ობიტომ კაკაშის, რომელიც ის-ის იყო უკვე ჯონინი გამხდარიყო საჩუქრად თავისი მარცხენა შარინგანი აჩუქა, უთხრა რომ ამით ისინი ერთად შეძლებდნენ მომავლის დანახვას და სთხოვა რინზე ეზრუნა, კაკაშიც შეპირდა რომ რინს დაიცავდა.
    ამის შემდეგ ობიტო ყველას მკვდარი ეგონა, მაგრამ ის მადარა უჩიჰამ გადაარჩინა, უვნებლად გადარჩა ასევე მისი მარჯვენა შარინგანიც. თუმცა მისი სხეულის მარჯვენა ნაწილი ძლიერ იყო დაზიანებული და მადარამ ხელი ჰაშირამას უჯრედების გამოყენებით აღუდგინა. მან გაუმხილა ასევე თავისი "მთვარის თვალის გეგმა"(იგივე მუდმივი ცუკუიომის შექმნა) და ახალი სამყაროს შექმნის იდეა, მაგრა ობიტომ სოფელში დაბრუნება გადაწყვიტა. ამასობაში შეიტყო რომ კაკაში და რინი მისიის დროს საფრთხეში აღმოჩნდნენ, სასწრაფოდ მათ დასახმარებლად გაეშურა და როცა ადგილზე მივიდა დაინახა,  როგორ მოკლა კაკაშიმ ჩიდორით რინი.
 
 
განცდილი ტკივილისა და ემოციისგან ობიტოს და კაკაშის მანგექიუ შარინგანი ერთდროულად გაუაქტიურდათ. კაკაშიმ გონება დაკარგა, ხოლო ობიტომ მტერი დახოცა და დაიფიცა რომ შექმნიდა სამყაროს, სადაც რინი ცოცხალი იქნებოდა.
    ობიტო დაბრუნდა მადარასთან და სახეზე ნიღაბ აფარებულმა დაიწყო მისი გეგმების განხორციელება მადარას სახელით. შემდეგ მან ცხრაკუდა მელას ხელში ჩაგდება და მისი მართვაც შეძლო, კონოჰას განადგურების მიზნით თავს დაესხა სოფელს, მაგრამ მეოთხე ჰოკაგემ მინატო ნამიკაზემ ის დაამარცხა.
 
 
ამის შემდეგ ობიტო ორგანიზაცია აკაცუკში გაწევრიანდა როგორც ტობი და დაიწყო კუდიან მხეცების დაჭერა მთვარის თვალის გეგმის განსახორციელებლად. კონანთან ბრძოლის შემდეგ კი შეძლო მოეპოვებინა ნაგატოს რინეგანი (რომელიც თავის დროზა მადარამ გადაუნერგა ნაგატოს) და შინობთა მეოთხე მსოფლიო ომის დროს (უკვე ყველასთვის ცხადი იყო მისი რეალური ვინაობის შესახებ) ის ათკუდას ჯინჩურიკი გახდა.  
 
 
თუმცა ნარუტომ მაინც შეძლო მისი სწორ გზაზე დაყენება და საბოლოოდ ობიტომ თავისი წვლილი შეიტანა ნარუტოს გადარჩენაში, (რომელსაც მთელი ომის პერიოდში იდეოლოგიის გამო განსაკუთრებული თავგამოდებით ებრძოდა), მასში დააბრუნა ცხრაკუდას მეორე ნახევარი რომელიც ცოტა ხნით ადრე შავმა ზეცუმ ჩაიგდო ხელში მინატოსგან და შუკაკუს და ბის ჩაკრების ნაწილი რომელიც მადარას ამოაცალა, მადარა იმ დროისთვის უკვე ათკუდას ჯინჩურიკს წარმოადგენდა და ომის მსვლელობის დროს გაერთიანებულ შინობთა ალიანსის მთავარი მოწინააღმდეგე იყო. 
 
 
 
 
 
 
 
 

 


ავტორი: Konan | ნახვები: 6 846 |
ინფორმაცია
საიტზე კომენტარის დასამატებლად საჭიროა რეგისტრაცია და ავტორიზაცია.