იტაჩი შინდენ: თავი 1; მეორე ნაწილი (1 ~ 2) » AnimeTV
AnimeTV
ჩემი ფავორიტები
მორბენალი სტრიქონი...

იტაჩი შინდენ: თავი 1; მეორე ნაწილი (1 ~ 2)

イタチ真伝 光明篇 // იტაჩი შინდენ კომიო-ჰენ 
თავი 1; მეორე ნაწილი; 
1 ~ სასკეს დაბადება
5 წლის იყო.
იტაჩისთვის თავის დაბადების დღეს არანაირი მნიშვნელობა არ ჰქონდა. ეს უბრალოდ კიდევ ერთი წლის მომატება იყო და მეტი არაფერი. 
ის ფაქტი, რომ მას ერთი წელი კიდევ მოემატა არ ნიშნავდა, რომ რაიმე შეიცვალა. მნიშვნელოვანი იყო დღიდან დღემდე ვარჯიში და ნაბიჯ-ნაბიჯ გაუმჯობესებისთვის მიეღწია.
აი როგორი იყო იტაჩი, მაგრამ ამ წელს დიდი ცვლილებები ხდებოდა რომელიც მის გულზე ძალიან მოქმედებდა, ამის მიზეზი კი თვალწინ ჰყავდა.
- რა ხდება...? - ისე რომ მწოლიარე მიკოტოს მისალმებისთვის პასუხი არ გაუცია, იტაჩი დაჯდა და დააკვირდა თუ რას ეძინა მის მუხლებზე.
იმ ოთახს სადაც ცოტა ხნის წინ ჩვილი დაიბადა თვალი მოავლო, ცდილობდა გაეგო და აღექვა ყველაფერი რაც მოხდა და რა სიტუაციაც იყო. 
იტაჩი ნაზად შეეხო მის ლოყას. მულოდნელ შეხებაზე ჩვილს შეაჟრჟოლა და როცა მიკოტომ იტაჩის რეაქცია შენიშნა, გაკვირვებულმა როგორ მყისიერად გაწია უკან ხელი, გაეცინა და უთხრა:
- ეს სასკეა.
ეს ბავშვის სახელი იყო. მისი საკუთარი პატარა ძმა... უჩიჰა სასკე...
იტაჩი ჩვილის ვარდისფერ, პატარ ლოყებს შეეხო - სასკე... - მან პირველად წარმოთქვა მისი სახელი და თბილი გრძნობა ჩაეღვარა გულში. ეს იყო გრძნობა რომელიც განსხვავდება იმისგან რასაც დედის და მამის მიმართ განიცდი, ეს განსაკუთრებული გრძნობა იყო რომელსაც სიტყვებით ვერ გამოთქვამ.
იტაჩი მხოლოდ 5 წლის იყო და რეალურად რას გრძნობდა კარგად ვერ გადმოსცემდა, მაგრამ არსება რომელიც ახლა მის წინაშე იყო, იმდენად სუსტი და მყიფე იყო, რომ თითის შეხებითაც კი დაამსხვრევდი, ამან კი მასში პასუხიმგებლობის გრძნობა გააღვივა, პასუხისმგებლობის რომ ის უნდა დაეცვა.
- იზრუნე შენს პატარა ძმაზე - უთხრა მიკოტომ და იტაჩიმ იგრძნო მოზღვავებული სიძლიერე, როცა სასკეს ლოყაზე შეეხო.
იმ დღიდან რაც მამამისმა ბრძოლის ველზე წაიყვანა, იტაჩი აგრძელებდა ვარჯიშს ისე, რომ ერთი დღეც არ შეუსვენია. ერთი წელი ჰქონდა დარჩენილი და ნინძას აკადემიაში ჩაირიცხებოდა. მას უკვე წინასწარ ჰქონდა თავისი უნარები იმდენად განვითარებული, რომ შეძლებოდა თავისი თავი შესანიშნავ შინობად გარდაექმნა. სწორედ ეს იყო მისი ერთადერთი მიზანი.
რატომ სურდა შესანიშნავი შინობი დამდგარიყო? ასე ხომ ის მთელ მსოფლიოში ყველა კონფლიქტის დასრულებას შეძლებდა. იტაჩი არ ეთანმებოდა მამის მოსაზრებას, რომ შინობები მხოლოდ იმისთვის არსებობენ, რომ ერთმანეთი დახოცონ. 
ნინძიუცუ და ჩაკრა მართლაც ბრძოლისთვის არის შექმნილი? იტაჩი აბსოლუტურად იყო დარწმუნებული იმაში, რომ ეს არასწორია.
თუ ვინმეს გამორჩეული ძალა გააჩნდა, ისინი ჩადგებოდნენ მათ შორის ვინც ბროლას განაგრძობდა და შეაჩერებდნენ მათ. თუ ვინმე უფრო ძლევამოსილი შინობი იყო და სხვები კონფლიკტში იყვნენ ჩართული... თუ ვერავინ დაუდგებდა წინ ამ ერთის ძალას, მაშინ ყველა მას დაემორჩილებოდა და მოუსმენდა.
იტაჩის სურვილი იყო სწორედ ასეთი შინობი გამხდარიყო. თუ ის სხვაზე ძლიერი და უნარიანი იქნებოდა, ფიქრობდა რომ შეძლებდა იმაზე დიდი კონფლიქტის შეჩერებას ვიდრე ეს წინა მსოფლიო ომი იყო.
მას მიზანი გააჩნდა და ამ მიზანს თავს უყოყმანოდ უძღვნიდა. 
იტაჩის, სახლთან ახლოს პატარა ტყე ჰქონდა საწრთვნელ პოლიგონად არჩეული.
 
2 ~ მეგობარი
 
ტყეში კედარის ჯიშის ხეებზე ფიცრები იყო მიმაგრებული, რომლებზეც ერთმანეთში ჩასმული 2 შავი რგოლი იყო დახატული.  ამ უკაცრიელ ტყეში იტაჩი მარტო იდგა. 
ორივე ხელის თითებს შორის კუნაი ჰქონდა, სულ 8 ცალი. ესენი იყო იტაჩის იარაღი.
- ჰუუ - დახუჭული თვალებით იტაჩიმ ჰაერი ღრმად ჩაისუნთქა, მომენტალურად ძირს დაიხარა, შემდეგ მთელი ძალით ზევით აიჭრა და ჰაერში შეჩერდა. მკლავები სხეულთან იყო შერწყმული, სწრაფად გაშალა და რვა კუნაი რვავე მიმართულებით მოიქნია. მხლოდ ტკაცა-ტკუცი იყო ის, რაც გაიგონა როცა მიწაზე დაეშვა. მიმაგრებულ ყველა ფიცარზე წერტილებში უზუსტესად ერჭო კუნაები. მოულოდნელად ხმა შემოესმა: - შთამბეჭდავია.
იტაჩიმ სუნქვა შეიკრა და იმ მხარეს შებრუნდა საიდანაც ხმა შემოესმა. 

ახალგაზრდა კაცი დაინახა, ზევით აპრეხილი შავი თმებით. ბიჭი მასზე აშკარად უფროსი იყო, იტაჩის ზურგიდან ნათელი ურტყამდა და პირდაპირ მის შუბლსაკრავს აელვარებდა.
- შენ, რამდენი წლის ხარ? - ჰკითხა ბიჭმა.
იტაჩიმ მისი სახელი არ იცოდა მაგრამ მაინც იცნო. ისიც უჩიჰას კლანის შინობი იყო.
- ხუთი წლის - უპასუხა მან.
- ასეთ ასაკში კუნაით ამხელა გამოცდილება რომ გაქვს, ეს დარწმუნებული ვარ რაღაცას ნიშნავს. - თქვა ბიჭმა და თან ჩამოსართმევად ხელი გაუწოდა.
- მე უჩიჰა შისუი ვარ.
- მე...
- ვიცი, შენ იტაჩი ხარ. პოლიციური ძალების უფროსის ფუგაკუ-სანის ვაჟი, არა?
იტაჩი გაოგნებული იყო ამ მეგობრული დამოკიდებულებით რასაც შისუი მასთან საუბარში იჩენდა და ეს ჩანდა სახეზეც დაეტყო, რადგან შისუი მხრებში მოიხარა და თვალები გაუფართოვდა.
- მსმენია, რომ უცნაური ბავშვი ხარ, ის ვისაც არ უყვარს ადამიანებთან ბევრი ლაპარაკი, მაგრამ სიანმდვილეში შენ უდრეკი ხარ.
- თუ არაფერი არ გაქვთ...
- ოხ, ამას ნუ ამბობ - და მომღიმარი შისუის ფიგურა გაქრა.
იტაჩიმ მას თავისი თვალების საშუალებით მიაგნო... ცაში!

ჰაერში, იგივე პოზიციაში როგორც იტაჩიმ გააკეთა, შისუიმ ორივე მხარეს გაიქნია მკლავები და რვა ელვა გაკრთა, იტაჩი კი გაოცებული შესცქეროდა.
- აბა...? - მომღიმარი შისუი მიწაზე დაეშვა - კუნაის ჩემი შესაძლებლობები არც ისე ცუდია, არა?
ახალი კუნაები იტაჩის მიერ მანამდე ჩარჭობილ კუნაებთან იყო ჩასობილი, აშკარად ესენი უკვე შისუის ეკუთვნოდა.
- დაგინახე, შენ აქ ახლა ყოველდღიურად ვარჯიშობ ხოლმე - შისუი ნელა მიუახლოვდა და ხელი გაუწოდა. - ჩვენ უნდა ვიმეგობროთ - ისეთი ტონით თქვა, რომ მეორე ბუნებრივად უნდა დათანხმებოდა.
ამის პასუხად იტაჩიმ ხელი აწია და შისუის ჩამოართვა.
- კარგია რომ გაგიცანი, იტაჩი - შისუიმ ფართოდ გაიღიმა.
და სანამ იტაჩი უყურებდა შისუი როგორ უღიმოდა, შეცბუნებულმა გააცნობიერა თუ რა ადვილად მიიღო მან ეს მეგობრობა შინობისგან.
 
თარგმანი: Konan
წყარო: AnimeTV.ge 

ავტორი: Konan | ნახვები: 1595
Konan
15 იანვარი 2016 19:42
ციტატა: LeVi
yochag gaagrdzele

გმადლობ, თავისთავად აუცილებლად...
ციტატა: N_A_R_U_T_O
magaria ise sul ramdeni tavia?

ეს ნოველა სულ სამი თავისგან შედგება.
N_A_R_U_T_O
14 იანვარი 2016 11:10
magaria ise sul ramdeni tavia?
LeVi
13 იანვარი 2016 19:25
yochag gaagrdzele
Konan
13 იანვარი 2016 03:29
იტაჩის ნოველის პირველი თავის მეორე ნაწილი ასე ვთქვათ ქვე თავებადაა დაყოფილი:
1~ იტაჩის დაბადება
2~ მეგობარი
3~ კუუბის თავდასხმა
სამივე "ქვეთავის" ერთიანად დადებას ვაპირებდი, მაგრამ ვითვალისწინებ რა მკითხველის მაღალ ინტერესსა და მოლოდინს, ამიტომ 2 "ქვეთავს" წინასწარ ვდებ, მესამე სამწუხაროდ ჯერ არაა!!!
როგორც კი იქნება დავდებთ...^^
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
©2016 AnimeTV
დიზაინი შეძენილია და დარედაქტირებული Animetv.GE-სთის.