თავი 14: პირველი განკარგულება » AnimeTV
AnimeTV
ჩემი ფავორიტები
მორბენალი სტრიქონი...

თავი 14: პირველი განკარგულება

კაკაშის საიდუმლო ქრონიკები
თავი 14: პირველი განკარგულება
 
გვ. 1-2
ცოტა ხანში წვიმა შეწყდა, ქარმა რუხი ღრუბლები გადაყარა. ჰოზუკიჯოზე ქაოსი თანდათან ჩაცხრა, ციხეში ცეცხლი ჩააქრეს. გაქცეული, გაჯიუტებული პატიმრები "ანბუს" წევრებმა თანდათანობით მოიმწყვდიეს. 
უკვე ზამთრის სისუსხე შეპარულმა ქარმა წამოუქროლა მინდორს, სადაც დამსხვრეულ ტობისაჩიმარუს ნარჩენები ეყარა. კონოჰას შინობები ირგვლივ ფრხილად შემოეხვივნენ.
ტობისაჩიმარუს საფრენი ნაწილი მთლიანად დამწვარი იყო, დაშვების დროს ძლიერი დარტყმისგან, საჰაერო ბუშტის დამჭერი ჩონჩხი თითქმის მთლიანად დაიმსხვრა. სასტუმრო ოთახის უშველებელი ნაწილი მოგლეჯილი იყო, ქარი შიგნით უბერავდა და ხის წვრილი ნაფოტებს აქეთ-იქით ყრიდა.
პირველი ადამინის ფიგურა გემის მონგრეულ მხარესთან შეტორტმანდა, ცუნადემ მკაცრი ხმით დაუძახა:
- ხელები თავზე შემოიწყვე და ნელა გამოდი! - და ცუნადეს ნიშანზე კიბა, ჩოუჯი, შინო, ლი და ტენტენი ფრთხილად მიუახლოვდნენ ტობისაჩიმარუს.
სავარაუდოდ იქ კიდევ უნდა ყოფილიყო მტერი რომელიც მგზავრებს შორის იმალებოდა. საი ცაში უკვე მზადყოფნაში იყო.
- კარგად ხართ? - მხოლოდ საკურა დაფუსფუსებდა მგზავრებს შორის და ყველას მდგომარეობას და ჭრილობებს ამოწმებდა - არის ვინმე ვისაც ჭრილობები არ აქვს?
განცგაცლილმა მგზავრებმა ერთმანეთის მიყოლებით გემი დატოვეს. ყველანი გაოცებულები ცაში იყურებოდნენ და ფრთხილად ადგამდნენ მიწაზე ნაბიჯებს. ზოგიერთი მათგანს, როგორც კი მიწაზე დადგნენ, მუხლები მოეკვეთათ და ჩაიკეცნენ. 
როგორც კი ცუნადემ თავით ანიშნა, შინობმა მგზავრებს პლედები შემოახვია და წყალი მიაწოდა. დაცემულებს ძვლების მოტეხილობა და სისხლდენა აღენიშნებოდათ- შენიშნა საკურამ და ყველა მათგანს დახმარებას უჩენდა.
- არ გაინძრე! - ცუნადემ მზერა... კაჰიოს მიაპყრო.
კონოჰას შინობები სწრაფად საბრძოლველად მოემზადნენ, თუმცა ბრძოლის ნაცვლად კაჰიო განადგურებულ გემთან უხმოდ გაჩერდა, მისი დიდი თვალები შეცბუნებას გამოხატავდა, ჩანდა თვალებით ვიღაცას დაეძებდა, გრძელ ხვეულ თმებს ქარი უწეწავდა.

გვ. 3-4
- შენ კაჰიო ხარ, რიუჰას შეიარაღებული ალიანსიდან?
კაჰიომ დასტურის ნიშნად ცუნადეს თავი დაუქნია.
- გემზე თანამებრძოლები ისევ არიან? - კაჰიომ თავი ნელა გააქნია, ცუნადეს კიტხვაზე მან არ  იცოდა რა ეპასუხა, და თან უკვე ძალზე გვიან იყო. ის მზად იყო ნებისმიერი სასჯელი მიეღო, ის სიტყვასაც ვერ დაძრავდა.
- თქვენ აღმაშფოთებელი რამ ჩაიდინეთ... ამ თქვენი ****-ს გამო, კონოჰას სანდოობა ეჭვქვეშ დადგა.
კაჰიო კვლავ ჩუმად იდგა.
- მაშინაც კი თუ ტალღების ქვეყანა გემების წარმოებას შეწყვეტს - ცუნადეს ხმა მრისხანედ ჟღერდა - შენ მაინც რა სასჯელი მოგელის იცი? 
კაჰიომ გონების თვალით შეაფასა მოვლენები და დასტურის ნიშნად თავი დაუქნია.
- წაიყვანეთ! - ხელი გაიქნია ცუნადემ, - სანამ ამ საქმეს მოვრჩებით, ის ციხეში მოათავსეთ!
- გთხოვთ, ერთი წუთით დაიცადეთ ცუნადე-სამა. - და არა მხოლოდ ცუნადე არამედ სხვა შინობებიც, ყველანი ერთდროულად იმ მიმართულებით შებრუნდნენ საიდანაც ეს ხმა გაისმა. კაკაშის დანახვაზე კაჰიოს სახეზე გაკვირვება და შვება დაეტყო და გაწითლდა. კაკაში შიკამარუს მხარზე იყო დაყრდნობილი.
- კაკაში! - ცუნადე ხმა დაეძაბა - უვნებელი ხარ?
- ცუნადე-სამა - კაკაში შიკამარუს მხარს მოსცილდა და დამოუკიდებლად დადგა - მისი... კაჰიოს სასჯელი... შეგიძლიათ ეს საქმე მე მომანდოთ?
- რაა? - ცუნადემ და კაკაშიმ თვალი-თვალში სწრაფად გაუყარეს. - რაზე ფიქრობ? - თუმცა კაკაშის ცუნადეს კითხვაზე არ უპასუხია, მან კაჰიოს შეხედა. უწინდელივით მათ შორის სივრცეში ქარმა დაბერა და გამოუთქმელმა სევდამ და სინანულმა მოიცვა. - აქამდე, იქ ყველაფერი ცუდად მიდიოდა. - თქვა და უძირო ცას ახედა. ცაზე ჯერ კიდევ იყო უწინდელი საწვიმარი ღრუბლების ნარჩენები, სუსტ მზის სხივებს თანდათან სიკაშკაშე ემატებოდა. - კარგია რომ დავბრუნდით - მან მზერა კვლავ კაჰიოს მიაპყრო. - თუმაც ეს იმას არ ნიშნავს, რომ ყველა ჩემსავით იღბლიანი აღმოჩნდა. 
კაჰიომ თვალები დახარა. 
- 57 მგზავრიდან რომელიც ბორტზე იმყოფებოდა, 18 მათგანი დაიღუპა. - კაკაშიმ ლაპარაკი განაგრძო.

გვ. 5-6
- შენი და შენი ორი თანამებრძოლის გარდა რომლებიც სამზარეულოს საწყობში არიან გამომწყვდეულები, ყველა შენი თანამებრძოლი დაიღუპა. რაიმეს თქმა ხომ არ გინდა?
კაჰიომ ტუჩი მოიკვნიტა და თავი გააქნია.
- კაჰიო.
- ...დ-დიახ
- მე შენს სასჯელს გამოვაცხადებ. როგორც პირს რომელსაც ბრალად ედება ტობისაჩიმარუზე თავდასხმა, შენ...
- ამმ... - ხმა, რომელიც მათ უკნიდან გაისმა კაკაშის სიტყვა გააწყვეტინა - ერთი წუთით მოიცადეთ - და როგორც კი შებრუნდა ქალი დაინახა რომელსაც ხელში ბავშვი ეჭირა.  კაკაშიმ თვალები მოწკურა.
- მე... მაშინ... მე ის ვარ ვინც თქვენ გადაარჩინეთ - ქალმა კაჰიოსკენ მიატრიალა თავი - ჩემს ვაჟს, როცა მას ასთმის შეტევა ჰქონდა, თქვენ მაშინ გემიდან გაგვიშვით... დიდი მადლობა, რადგან თქვენი წყალობით ჩემს შვილს სპაზმები შეუმცირდა და საფრთხე აღარ ემუქრება, მაგრამ რაც თქვენ გააკეთეთ... ეს მაინც დაუშვებელი იყო. - მან სწრაფად კაკაშის გახედა - ყველაფრის მიუხედავა, მე მხოლოდ ერთი რამის თქმა მინდა, მინდა მადლობა გადაგიხადოთ... უღრმეს მადლობას გიხდით.
კაჰიომ მტკივნეული გამომეტყველებით თავი ჩახარა. სრულიად გამოჯანმრთელებული ბიჭი დედამის ხელიდან დაუსხლტა და კაჰიოსკენ გაიქცა, ქვემოდან ახედა და გაუცინა. - მადლობა ობა-ჩან (/დეიდა)
- [ ...! ]
- თავიდან ძალიან შემეშინდა... - შემდეგ კი სწრაფად, ჩურცულით დაუმატა - მაგრამ... ცოტათი გასართობიც კი იყო.
ის კვლავ დედასთან გაიქცა, კაჰიო შესცქეროდა ბიჭუნას ზურგს და თვალები ცრემლებით ევსებოდა.
- კაჰიო - დაუძახა კაკაშიმ - როგორც პირს რომელსაც ბრალად ტობისაჩიმარუზე თავდასხმა ედება, შენ სიცოცხლით უნდა აგო პასუხი.
- [ ! ]
- იმის გათვალისწინებით თუ რამდენი ადამიანი დაიღუპა შენ გამო, ვფიქრობ ასეთი სასჯელი სამართლიანია.
- ... დიახ - კაჰიოს ხმა უთრთოდა, ის პირადად გრძნობდა პასუხისმგებობას ყველაფერზე რაც მოხდა - მე მზად ვარ... ნებისმიერი სასჯელისთვის.
- თუმცა, თუ შეგიძლია დაამტკიცო რომ ხუთ დიდ შინობთა ქვეყნებს შენი უნარებით სარგებლობას მოუტან, მაშინ მე სიკვდილით დასჯას სამუდამო პატიმრობით შევცვლი.
- ...რას გულისხმობ?
- მე რაც ვნახე, შენი ჯისარენჰიო მომავალში გამოგვადგება.

გვ. 7-8
- [ ... ]
- რაზე ლაპარაკობ კაკაში? - ჰკიტხა ცუნადემ - რა ჯანდაბაა, როგორ შეიძლება ეს ჯისარენჰიო სასარგებლო იყოს?
- ცუნადე-სამა - ის ცუნადეს მიაშტერდა და განმარტება დაიწყო - ნებისმიერი ადამანი მაშინვე გაიყინება თუ ჯისარენჰიოს მოქმდების ქვეშ მოხვდება. თუმცა შინობს რომელსაც ჩაკრის მართვა შეუძლია, მან თავის ჩაკრა სხეულის სითბოს შესანარჩუნებლად უნდა გამოიყენოს, რომ ხელი შეუშალოს სხეულის გაყინვას. ამიტომ თუ ჯისარენჰიო მოგხვდებათ ჩაკრით მუდმივად უნდა მოქმედებდეთ მასზე. სახვა სიტყვებით, პატიმრები ჩაკრას გასაქცევად ვერ გამოიყენებენ... ამაზე რას ფიქრობთ? მითუმეტეს, ახლა აღარ გვაყავ ჰოზუკიჯოს ხელმძღვანელი რომელსაც პატიმრების შეზღუდვა შეუძლია. არ ფიქრობთ რომ ის ამ მოვალეობისთვის შესაფერისია?
- ცხადია - თავი დაუქნია შიკამარუმ - მუი, ციხის ყოფილი ლიდერი იყენებდა ძიუცუს სახელად "ტენროუ" (/ცის საპყრობილე), ეს პატიმრების სხეულს წვავდა თუ ისინი ჩაკრის გააქტიურებას შეეცდებოდნენ. ...ამ ქალის ჯისარენჰიო ამ ტექნიკის საპირისპიროა... ცუნადე-სამა ეს ადამიანი მართლაც გამოდგება ამ მოვალეობისთვის. მეოთხე დიდი შინობთ ომის გამო სოფლები დასუსტდნენ, საკმარისი ხალხი აღარ გვყავს და ამიტომ ციხის რიგრიგობით მეთვალყურეობა უკვე პრობლემაა. თუ ამ მოვალეობისგან გაგვანთავისუფებთ, ამით კონოჰას რეპუტაცია ცოტატი მაინც არ  გაიზრდება? გარდა ამისა ეს კარგი გაკვეთილიც იქნება.
- გაკვეთილი? - ჰკითხა ცუნადემ - რა გაკვეთილი?
- ეს გარიო არ იცავდა თავის იდეოლოგიას უზენაეს სამართლიანობაზე, რომელიც სხვის პირად თავისუფლებას აკონტროლებს? - შიკამარუმ მხრები აიჩეცა, - იმ შემთხვევაში თუ ამ ქალს სწამს ასეთი *** იდეოლოგიის... -ეს *** პირადი თავისუფლება საკუთარი იდეოლოგიით გაკონტროლდება.  
ცუნადემ სათანადო დასკვნები გამოიტანა და შემდეგ დასტურის ნიშნად თავი დაუქნია - ამ საკითხის მოგვარებას შენ განდობ კაკაში.
- გმადლობ ცუნადე-სამა.
- ისე, ჩვენ საკუთარი ინაუგურაციის მოწყობას ვაპირებთ.
- [ ... ]
- ეს იქნება შენი პირველი საქმე როკუდაიმე ჰოკაგეს რანგში - ცუნადემ მავნებლურად გადაიხარხარა - მგონი უარის თქმას არ აპირებ, ხომ ასეა?
კაკაშიმ მტკიცედ შეხედა ცუნადეს თვალებში და თავი დაუქნია შემდეგ კი კაჰიოსკენ შებრუნდა. - გემზე შენ თქვი: "მხარე რომელიც ფლობს დიდ ძალას ყოველთვის იქნება სამართლიანი", თუ შენ ჰოზუკიჯოს მმართველი გახდები, ეს ძალა შენს მფლობელობაში იქნება... ასე, რომ მაჩვენე შენი სამართლიანობა.
- [ ... ] 
- გააკეთებ ამას?
- ...დიახ - კაჰიოს თვალებიდან ცრემლები უწყვეტ ნაკადად მოედინებოდა და ძირს ეწვეთებოდა, მაგრამ ამჯერად აღარ გაყინულა - გ-მადლობ... გმადლობ...

გვ. 9-10
- კარგი, მაშინ ვაცხადებ როგორც როკუდაიმე ჰოკაგე - კაკაშის ხმა დაეძაბა და ოფიციალური გაუხდა - კაჰიო, თქვენ ინიშნებით ჰოზუკიჯუს მმართველად და აქ იქნებით განუსაზღვრელი დროით. თქვენ ყოველდღიურად ფხიზლად შეასრულებთ თქვენს მოვალეობას, ისე რომ ვერც ერთმა პატიმარმა ვერასოდეს შეძლოს აქედან გაქცევა.
ცუნადემ თავი დაუქნია, შინობები პატივისცეით შესცქეროდნენ ახალ ჰოკაგეს.
- არ მაშფოთებს ის, რომ ვერ შეძლებ - კაკაშის მზერა მოულოდნელად შეურბილდა - რადგან შენ ის ხარ ვისაც სხვების ტკივილის ესმის. 
- თქვენი მოლოდინის გასამართლებლად... მე ძალ-ღონეს არ დავიშურებ. - კაჰიომ ცრემლები მოიწმინდა - თუ კი შემიძლია რომ კაკაში-სამას გამოვადგე... მაშინ თქვენთვის ყველაფერს გავაკეთებ.
- კაკაში - ცუნადემ მსუბუქად მოახვია ჰაორი (/ჰოკაგეს მოსასხამი- (კიმონოს ნაირსახეობა)) კაკაშის მხრებზე - ნამდვილად კარგად მოგერგო.
- [ ... ]
კაკაშიმ კისერი მოიგრიხა რომ თავისი ზურგი შეეთვალიერებინა - < 六代目火影 > (/"როკუდაიმე ჰოკაგე"-მეექვსე ჰოკაგე) კაკაშიმ მჭიდროდ შემოიხვია საკმაოდ მძიმე  ჰაორი, მისი თანამებრძოლები კი ღიმილით გარს შემოეხვივნენ თავიანთ ახალ მმართველს. დამწვარ ტობისაჩიმარუს მსუბუქი სიო უბერავდა.
(მეთოთხმეტე თავის დასასრული)
 
თარგმანი: Konan
წყარო: AnimeTV.Ge

ავტორი: Konan | ნახვები: 910
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
©2016 AnimeTV
დიზაინი შეძენილია და დარედაქტირებული Animetv.GE-სთის.