თავი 12: ადამიანი-ბომბი » AnimeTV
AnimeTV
ჩემი ფავორიტები
მორბენალი სტრიქონი...

თავი 12: ადამიანი-ბომბი

კაკაშის საიდუმლო ქრონიკები
თავი 12: ადამიანი - ბომბი

გვ. 1-2
ჰოზუკიჯოს ეზოდანაც გარკვევით მოჩანდა აფეთქებისგან ცეცხლის ალში გახვეული ტობისაჩიმარუ.
- ჰეი! ცუდი რამ ხდება! - პატიმრებმა ყვირილი ატეხეს - ეტყობა ჩამოვარდება!
შაკამარუმ მაშინვე სიტუაცია შეაფასა- რამდენიმე წუთით ადრე ჰოზუკიჯოს თავზე ცაში პარაშუტები გაიხსნა და შიკამარუმ დაასკვნა, რომ კაკაშიმ წარმატებით დაიხსნა მგზავრები. დანარჩენი ჩამოვარდნილი ადამიანების გადასარჩენად ციხის კოშკის სახურავზე მან ლი და საი დააყენა. თვითონ საკურასა და ჩოუჯისთან ერთად ციხის ეზოში შევარდა სადაც  პატიმრებს ხმაური აეტეხათ. ტობისაჩიმარუ ცეცხლის ალში შთაინთქა, პარალელურად შიკამარუმ ცაში ოცდაერთი პარაშუტი დათვალა, ჩანდა რომ ტობისაჩიმარუზეც ცეცხლის ჩაქრობა დაუყოვნებლივ მოხერხდა. ის ადამიანები რომლებიც ამის შემდეგ ტობისაჩიმარუდან გადმოვარდნენ, მათი პარაშუტები საბოლოოდ არ გახსნილა. ტობისაჩიმარუმ კონტროლი დაკარგა და ნელ-ნელა სულ უფრო დაპატარავდა.
ქარის მიმართულების გათვალისწინებით შიკამარუმ გამოთვალა, რომ ტობისაჩიმარუს ჰოზუკიჯოს ცაში შესვლის ალბათობა საკმაოდ დაბალი იყო. 
- ეს კარგი სულაც არაა, ესიგი ისინი... - მან ჩოუჯის მზერა იგრძნო მაგრამ ტობისაჩიმარუსთვის თვალი არ მოუშორებია - ახლა გემი ისეა თითქოს წონა დაკარგა... სიმაღლე თანდათან იზრდება.
ჩოუჯიმ ნერწყვი გადაყლაპა - რაზე ლაპარაკობ შიკამარუ? - ჰკითხა დაძაბულმა.  
- როდესაც ზღვის დონიდან 19 000 მეტრის სიმაღლეზე ხარ, სხეულში სისხლი ადამიანის ჩვეულ ტემპერატურაზე დუღდება. - თქვა შიკამარუმ - ყველა დაიღუპება ვინც გემზე დარჩა.
- [ ! ]
- რა გავაკეთოთ...? - საკურას სახე შეეცვალა - კაკაში-სენსეი ხომ ჯერ კიდევ ბორდზეა?! 
- თუ სიმაღლე ასე იმატებს, მაშინ საიც კი ვერაფერს გააწყობს... - მწარედ ჩაილაპარაკა შიკამარუმ - ყოველ შემთხვევაში, ჩვენ რაც შეგვიძლია ის უნდა გავაკეთოთ.
- პარაშუტები ეშვება! - დაიყვირა ტენტენმა საგუშაგო კოშკიდან. 
- ციხე-კოშკის მხრიდან! - საწვიმარი ღრუბლებიდან გამომკრთალი სუსტი მზის სხივები მათ ზურგიდან ანათებდა. პირველი პარაშუტი ნელი რწევით პირდაპირ კოშკისკენ მიემართებოდა.

გვ. 3-4
როდესაც შიკამარუმ ზევით აიხედა, ლიმ კოშკიდან თავი დაუქნია. ქარმა დაუბერა და პარაშუტები მოშორებით გაიტაცა. პარაშუტის ზონარები მჭიდროდ იყო დამაგრებული ადამიანის სხეულზე, მაგრამ ამავე დროს ჩახლართული ამიტომ ადამიანები აქეთ-იქით ქანქარასავით ირწეოდნენ. ლი და მისი თანამებრძოლები შეეცადნენ კოშქურიდან მიწვდენოდნენ, მაგრამ ხელიდან გაუსხლტათ და გეზი პირდაპირ საკნებისკენ აიღო.
- კიბა, შინო, იმ მიმართულებით დახვდით... - მაგრამ იქ სადაც დაშვება მოხდა უცებ ძლიერი აფეთქების ხმა გაისმა და შიკამარუს ბოლო სიტყვები ამ აფეთქების ხმამ შთანთქა. - [ ?! ]
საკნიდან თეთრი კვამლი გამოიფრქვა და იქაურობას ცეცხლი მოედო - რ-რა...? - შიკამარუ ადგილზე გახევდა.
- შიკამარუ! - ინოს ყურის წამღები ხმა შემოესმა - პარაშუტის ჟილეტებში აობიკოა მოთავსებული!
- ...ჰაჰ?
- კაკაში-სენსეის დავუკავშირდი! - ინოს თავი კოშკის ფანჯრიდა გამოეყო და მთელ ხმაზე გაჰყვიროდა - მტრის თავდასხმაა!
- სერიოზულად ამბობ...
შემდეგი პარაშუტი ციხის შესასვლელებთან დაეშვა რასაც ციხის კარებების აფეთქება მოჰყვა. პატიმრები გაოგნებულები ერთმანეთს უყურებდნენ, აფეთქებისას კედელი ჩამოინგრა და თითქოს გონს ერთბაშად მოეგნენ შეძახილებით და ყიჟინით გარეთ გამოვარდნენ. - არის! როგორც იქნა ამ საზიზღარ ადგილს მოვშორდები!
- ნეტავ გაგრძელდეს პარაშუტების დაცემა! სულ დანგრეულა ეს ადგილი!
მაგრამ ეს უბრალოდ არეულობა არ იყო, ამ საერთო ორომტრიალში შეძახილი გაისმა: 
- გარიო-სამა! - შავტანსაცმლიანი შინობები ციხეში შევარდნენ და ხმამაღლა ყვიროდნენ - სად ხართ გარიო-სამა!
- ჯანდაბა... ეს დამატებით პრობლემას... - შუა ქაოსში შიკამარუმ იმ პარაშუტის ჩრდილი ამოიღო მიზანში რომელიც მიწაზე ეცემოდა - კაგეკუბიშიბარი ძიუცუ! (/ჩრდილის დაკავშირების(წავლების) ტექნიკა!)

გვ. 5-6
შიკამარუს ჩრდილი წაგრძელდა და პარაშუტის ჩრდილს ჩაეჭიდა, მისი ჩრდილი საყრდენად იქცა და პარაშუტიანი სხეული მოულოდნელად ჰაერში დაეკიდა. - ტენტენ! შესაკრავები ისე გადაჭერი რომ ჟილეტები არ დაზიანდეს!
ტენტენი საგუშაგო კოშკიდან გადმოხტა, ნახტომში ნინძას იარაღები ოსტატურად სტყორცნა და ჰაერში გამოკიდებულ კაცს ჟილეტზე შესაკრავები გადაუჭრა. პარაშუტისგან განთავისუფლებული კაცი ყვირილით ქვევით ჩამოვარდა.
- უგჰ! - ჩოუჯიმ შეძლო ჩამოვარდნილი კაცი დაეჭირა - არის!
ცარიელი პარაშუტი ქარმა ააფეთქა, მათ კი ამოსუნთქვის საშულებაც არ ჰქონდათ, რადგან ციდან ერთი მეორეს მოყოლებით ადამიანი - ბომბები ეშვებოდნენ.
- კაგეიოსე ნო ძიუცუ! (/ჩრდილის თავმოყრის ტექნიკა!) - თავისი ჩრდილიდან შიკამარუმ უცებ უამრავი ჩრდილის საცეცი წარმოქმნა და ერთდროულად ჰაერში ათი ადამიანი გააშეშა. ჩვეულებრივ ამ ძიუცუს თავისი ჩრდილით რაღაცის გადასაგდებად იყენებდა. ამჯერად ამით... პარაშუტების გადაყრას აპირებდა, სხვა სიტყვებით შიკამარუმ თავის ჩრდილით არამარტო გააშეშა ადამიანები არამედ მოხსნა კიდეც ბომბები. ამასობაში ციხის კოშკის მხრიდან აფეთქების ხმა გაისმა.
- გარიო გაქცევას აპირებს! - იყვირა ტენტენმა მას შემდეგ რაც ჟილეტის თასმა გადაჭრა - რა ვქნათ შიკამარუ?
- "რა ვქნათ...?" - შიკამარუ ჩაფიქრდა, ვერ მოძრაობდა რადგან ძიუცუს იყენებდა, თვალის კუთხიდან გარიო დალანდა რომელიც გარბოდა. მას შავტანსაცმლიანი შინობი იცავდა, თავად დადევნება კი არ შეეძლო - "რა ჯანდაბა უნდა გავაკეთო?!"
პარალელურად საი თავისი უშველებელი ფრინველით ჩამოვარდნილი ადამიანების ჰაერში დაჭერას განაგრძობდა. ცაში შინოს შავ ღრუბლად ჩამოყალიბებული კიკაიჩუები (/გამანადგურებელი მწერები) ადამიანებს შესეოდნენ და ჯილეტის თასმებს უღრღნიდნენ, ლი კი ხტებოდა და განთავისუფლებულ ადამიანებს ჰაერში იჭერდა.
კიბა, ჩოუჯი და ანბუს წევრები გაქცეულ პატიმრებს დაედევნენ, გაცუგას და ნიკუდან სენშას გამოყენებით პატიმრები მოცელილებივით დაყარეს ძირს. შუა ორომტრიალში შიკამარუმ ცაში აიხედა, სადაც კიდევ ოთხი პარაშუტი იყო დარჩენილი - შინო! - წამოიძახა შიკამარუმ - დანარჩენ პარაშუტისტებს შენ მიხედავ?! - შინომ ისე რომ თან მწერებით მანიპულირებდა თანხმობის ნიშნად თავი დაუქნია - ნუ ღელავ, შენ გარიოს დაედევნე.
შიკამარუმ თვალი შეასწრო შავებში ჩაცმულ ადამიანების ჯგუფს, გარიოც დაინახა, ჩანდა რომ კარგად იყო დაცული.
- შეჩერდით!

გვ. 7-8
რამდენიმე ადამიანი შიკამარუს მოუტრიალდა და ელვის უსწრაფესად კუნაები სტყორცნეს - წავედით!
სანამ ისინი გაქცევას შეძლებდნენ, შიკამარუმ კუნაები აიცილა თუ არა ბეჭედი წარმოქმნა - კაგენუი ნო ძიუცუ! (/ჩრდილის კერვის ტექნიკა!) - შიკამარუს ჩრდილი ბასრ ნემსებად გარდაიქმნა და მტრებს ერთდროულად ჩაესო ფეხებზე. დასისხლიანებული შინობები მაშინვე მიწაზე დაეცნენ. შიკამარუ გარიოს დაედევნა მაგრამ მოულოდნელად გარიომ სირბილი შეწყვიტა და გაჩერდა. - [ ...? ] 
- "რა? რა უცნაურია. იმის მაგივრად რომ გაიქცეს, რატომ დგას?!"- გაიფიქრა გაკვირვებულმა შიკამარუმ.
- რ-რას აკეთებთ გარიო-სამა? - შავსამოსიანი შინობიც გაკვირვებული ჩანდა. - კარგით, ჩქარა აქეთ წამოდით!
- მომწყდი თავიდან! - გარიომ მხარი გაიფერთხა და ამ ჯესტით ანიშნა შინობს გაცლოდა, ის თან შიკამარუს შესცქეროდა.
- რა...? - გაოცებისგან შიკამარუს წარბები შუბლზე აუვიდა - "ამ გარიოს... ეს რა ქალური ხმა აქვს? და სიარული... გოგოსავით დადის, მხრებში აწურული." - ფიქრობდა თავგზააბნეული შიკამარუ - გაჩერდი!
- რა, კიდევ ლაპარაკობ? რადგან მე გარიო გავანეიტრალე... შენ, ჩოუჯი და დანარჩენები გაქცეულ პატიმრებს უნდა დაედევნოთ!
- [ ... ] 
- კარგი ჰო, მათი ბოსივით ვილაპარაკე... მე ვარ, მე!
- ააჰ... ინო? - ჩანდა ეს ინოს შინტენშინ ნო ძიუცუ იყო (/გონებით სხეულის შეცვლის ტექნიკა), მან გარიოს გონებაში შეაღწია. 
- აბა ბიჭებო! - მიუტრიალდა ინო გარიოს სახით მტრის შინობებს - თუ თითს მაინც დამაკარებთ, ჩვენ თქვენს ბოსს მოვკლავთ!
მის სიტყვებზე შინობებმა მომენტალურად უკან დაიხიეს.
- რაღას ელოდები შიკამარუ?... წადი, ჩქარა!
- აა... ჰო, ვიცი. 
შიკამარუს ბოლომდე არ ესმოდა თუ რატომ აკეთებდა ასეთ რამეს- მოულოდნელად მან სწრაფად და მსუბუქად მოსცხო გარიოს საჯდომზე... და შესაბამისად ინოს.
- კიააჰ! - აღმოხდა წვრილ ხმაზე გარიოს ანუ ინოს - რა ჯანდაბას აკეთებ?!
- ეს ყოველთვის მაინტერესებდა... ასეთ რაღაცას მაშინაც თუ გააკეთებდი, როცა სხვის სხეულში იქნებოდი. არ შევმცდარვარ, როგორც მოველოდი შენ ისევ "კიაჰ" წამოიძახე. - ამის პასუხად ინომ შიკამარუს თავში (გარიოს) მუშტი ჩააფარა. 
ჰოზუკიჯოში არსებული ქაოსის გამო კი არავის შეუნიშნავს სამი მფრინავი ობიექტი, რომლებიც შორს დასავლეთით მიფრინავდნენ და სინათლეს ასხივებდნენ. ვინმეს რომ შეენიშნა კიდეც მოწყვეტილი ვარსკვლავი ეგონებოდა. თუმცა ის სამი მნათობი ობიექტი ჩვეულებრივი ვარსკვლავებივით ციდან არ ცვიოდა, პირიქით უფრო და უფრო ზევით მიიწევდნენ.
(მეთორმეტე თავის დასასრული)
 
თარგმანი: Konan
წყარო: AnimeTV.Ge 

ავტორი: Konan | ნახვები: 826
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
©2016 AnimeTV
დიზაინი შეძენილია და დარედაქტირებული Animetv.GE-სთის.