» » ანიმეს ჟანრების განმარტებები
ანიმეს ჟანრების განმარტებები

   
   
   ანიმეების მოყვარულთათვის კარგად იქნება ცნობილი, რომ ყოველი ანიმე  როგორც წესი ერთზე გაცილებით მეტ ჟანრს აერთიანებს... ჟანრები ეხმარება მაყურებელს ზოგადი, წინასწარი წარმოდგენა შეიქმნას თუ რას უნდა ელოდოს ანიმედან. არსებობს ძალიან ბევრი ჟანრი, როგორიცაა მაგ.: დრამა, საბრძოლო, მექა, სეინენი, შონენი, შოჯო და ა.შ. თავიანთი მნიშვნელობებით. გადავწყვიტე ძირითადი ჟანრების განმარტებებისთვის ერთ სტატიაში მომეყარა თავი.

მძაფრსიუჟეტიანი (Action)
ამ ჟანრის ქვეშ მოქცეულ ანიმეებში როგორც წესი ბევრი ბრძოლის სცენაა, დატვირთულია ისეთი სცენებით, რომელიც ადრენალინის მოზღვავებს იწვევს, გითრევს და ანიმეში მიმდინარე მოვლენებს თვალს ვერ წყვეტ. ეს ერთ-ერთი ყველაზე გავრცელებული ჟანრია. შესაძლოა ამ ჟანრის ანიმეში რაიმე დანაკლისი არსებობდეს, მაგალითად პერსონაჟების განვითარების ნაკლებობა და ა.შ. სწორედ ამიტომ, ანიმეს "გასამდიდრებლად", ხშირად ამ ჟანრთან ერთად გვხდება სხვა ჟანრებიც როგორიცაა კომედია, სათავგადასავლო და ფანტაზია.  მძაფრსიუჟეტიანი ანიმეებია: Shingeki no Kyojin, Fullmetal Alchemist: Brotherhood, Sword Art Online და მრავალი სხვა.

სათავგადასავლო (Adventure)
აქ ძირითადი ნაწილი ეთმობა მოგზაურობას, თავგადასავლებს, ფათერაკებს, ამ ჟანრში მთავარი გმირი როგორც წესი არ რჩება ერთ ადგილზე, იწყებს მოგზაურობას, მიემართება რაიმეს საძებნელად, თავისი გზის საპოვნელად, მტერზე შურის საძიებლად ან სამყაროს გადასარჩენად. ამ ტიპის ანიმეები ხშირად მრავალსერიანია. სათავგადასავლო ანიმეების კარგი მაგალითია: One Piece, ასევე Magi: The Labyrinth of Magic და ა.შ.

                                                                         
დრამა (Drama)                                                                           
ანიმეები რომლებიც მაყურებელში ემოციებს და ცრემლებს იწვევენ... სწორედ ამ ჟანრის ანიმეებისთვის არის ეს ყველაზე მეტად დამახასიათებელი. დრამის ჟანრში ყველაფერი მაყურებელში განცდების გამოწვევაზეა გათვლილი, რათა მაყურებელმა იგრძნოს ის რასაც მთავარი პერსონაჟები განიცდიან იმდენად, რომ ცრემლებიც კი მოადგეს თვალზე. ამ ჟანრს მიეკუთვნება ანიმეები: Shigatsu wa Kimi no Uso, Anohana: The Flower We Saw That Day, Angel Beats! და სხვა.                                                                               

კომედია (Comedy)
კომედიური ჯანრის ანიმეების მთავრი დანიშნულება რათქმაუნდა მაყურებლის გაცინებაა. :) ამ ჟანრის ანიმეები სასაცილო, უხერხული სცენებით, მომენტებით, დიალოგებით, იუმორით არის გაჯერებული. ხშირად ეს ჟანრი კომბინაციაშია რომანტიკულ კომედიასთან. კომედიური ჟანრის ანიმეებია: Gintama, One Piece, Boku no Hero Academia, Daily Lives of High School Boys.  

ფანტაზია (Fantasy)

მაგიური სამყარო, ზებუნებრივი ძალები და მონსტრები არის ის მთავარი კომპონენტები რისგანაც ფანტაზიის ჟანრის ანიმეები შედგება. ამ ჟანრის ანიმეებში როგორც წესი "არტი" მოწოდების სიმაღლეზეა... ეს ჟანრი ძირითადად მითოლოგიაზე და თქმულებებზეა დაფუძნებული და ჩვეულებრივ კომბინაციაშია ისეთ ჟანრებთან როგორიცაა მძაფრსიუჟეტიანი, სათავგადასავლო და ისტორიული ჟანრები. მაგ.: Fairy Tail, Soul Eater, No Game No Life და ა.შ.                                                                                 
დემონები (Demons)
ამ ჟანრის ჩამოყალიბებას ხელი შეუწყო ანიმეში დემონი პერსონაჟების პოპულარობის ზრდამ. თუმცა ტერმინი დემონი არ განსაზღვრავს მხოლოდ ისეთ ანიმეებს სადაც პერსონაჟები დემონები არიან, ამ ჟანრს მიესადაგება ასევე ანიმეები სადაც არიან მოჩვენებები, მონსტრები, მხეცები, ჯადოქრები და დემონის მსგავსი არსებები. თავის მხრივ ეს ჟანრი სხვადასხვა ჟანრის ნაზავია და პირდაპირ მხოლოდ საშინელებათა ჟანრიდან არ არის ჩამოყალიბებული. ამ ჟანრის ანიმეებია: Devil May Cry, Ao no Exorcist და Kuroshitsuji (Black Butler)                                                                              


ისტორიული (Historical)
ისტორიული ჟანრის ანიმეში ძირითადად იაპონიის ძველი დრო და ფეოდალიზმის პერიოდია ასახული. შესაძლებელია დასავლეთის ძველი დროც იყოს წარმოდგენილი. ასეთ ანიმეში პერსონაჟების გარეგნული მხარეც იმ პერიოდის შესაბამისია რა დროშიც ხდება მოქმედება და ხშირად ეს ჟანრი სამურაის ჟანრთან ერთადაა. ისტორიული ჟანრის ანიმეებია: Baccano, Samurai Champloo და Stranger: Mukou Hadan.
                                                                                 
საშინელება (Horror)
ანიმე, სადაც მოჩვენებები, მონსტრები და ბევრი სისხლისღვრაა, ხასიათდება როგორც საშინელებათა ჟანრის ანიმედ. მაყურებლის შეშინება ამ ჟანრის ანიმეს მთავარი დანიშნულებაა, თუმცა ზოგჯერ სისხლიანი სცენების გამო ამ ჟანრის ანიმე შესაძლოა უფრო შემზარავი იყოს ვიდრე საშიში. საშინელებათა ჟანრი ხშირად გვხდება დრამის, დემონების ან ფსიქოლოგიურ ჟანრთან.  მაგა.: Another, Tokyo Ghoul, Parasyte და სხვა.
                                                                         თამაში (Game)
სახელიდან გამომდინარე ამ ჟანრის ანიმეების მთავარი ხაზი თამაშია. ეს შეიძლება იყოს კარტის თამაში ან პაზლი, ან თუნდაც ვირტუალური თამაშები, მთავარი გმირები მოთამაშეები არიან. ზოგჯერ ამ ჟანრს მიაკუთვნებენ ვიდეო თამაშებზე "დაფუძნებულ" ანიმეებსაც. ეს ჟანრი, როგორც წესი ან ფსიქოლოგიუ ან სათავგადასავლო ჟანრთან ერთადაა, მაგ.: Sword Art Online  და Death Parade.
                                                                                 
საბავშვო (Kodomo ~ Kids)
ტერმინი "კოდომო" ბავშვს ნიშნავს. ამ ტერმინს (ჟანრს) აკუთვნებენ ისეთ ანიმეებს, რომელიც  11-12 წლის და კიდევ უფრო პატარებისთვისაა შექნილი.  შესაბამისად თემებიც მხიარული, მსუბუქი და სასაცილო, ისევე, როგორც პერსონაჟები. მიუხედავად იმისა, რომ ადამიანების უმეტესობას ყველა ანიმე საბავშვო ჰგონია, რეალურად საკმაოდ ცოტა ანიმეა მხოლოდ ბავშვებისთვის განკუთვნილი. საბავშვო ანიმეა მაგ.: Pokemon
                                                                               
მაგია (Magic)
ამ ჟანრს მიაკუთვნებენ ანიმეებს სადაც სუპერ ძალებია წარმოდგენილი, მაგრამ ამ ტიპის ანიმეები მაინც უფრო "საბავშვო" ანიმეებად ითვლება, განსაკუთრებით იმ შემთხვევაში თუ "ჯადოქარი გოგონების" თემაა წამოწეული, რომელიც უფრო და უფრო პოპულარული ხდება. თუმცა ამ ჟანრს მიაკუთვნებენ ასევე ისეთ ანიმეებსაც სადაც ზებუნებრივი ძალები და შესაძლებლობები უფრო რეალისტურადაა წარმოდგენილი , მაგალითად შელოცვებით, მაგიური ფორმულები და მსგავსი. ამ ჟანრის ანიმეებია: Magi: Labyrinth of Magic და Little Witch Academia.
                                                                         საბრძოლო ხელოვნება (Martial Arts)
ასეთ ანიმეებში ბევრი ბრძოლის სცენაა... ეს იქნება ხელჩართული ბრძოლა, ხმლით თუ იარაღიდან სროლა, ყველა მაინც ამ ჟანრში ერთიანდება. ასევეა ისეთი ანიმეები, სადაც ძირითადი ყურადღება ექცევა თავად საბრძოლო ხელოვნებას და ბრძოლის ტექნიკას. ასეთ ანიმეებში აქცენტი კეთდება ხელჩართულ და ილეთებით ბრძოლებზე, ბრძოლის კონკრეტულ სახეობებზე. საბრძოლო ხელოვნების ჟანრის ანმეებია: Dragon Ball, Naruto და Kenichi: The Mightiest Disciple.

სამხედრო (Military)
როგორც სახელიდან ჩანს, ამ ჟანრის ანიმეში წამყვანი თემა სამხედრო, საბრძოლო ძალებია.  მთავარი გმირები ან სამხედროები ან ყოფილი სამხედროები არიან. გამოყენებულია სამხედრო იარაღი, წარმოჩენილია საბრძოლო ტაქტიკა და ა.შ. ეს ჟანრი ხშირად კომბინაციაშია მძაფრსიუჟეტიან, სათავგადასავლო ან მექას ჟანრებთან. სამხედრო თემაზე ანიმეებია: Ghost in the Shell და Full Metal Panic

მექა (Mecha)
ეს არის მძაფრსიუჟეტიანი ანიმეების კიდევ ერთი გავრცელებული ჟანრი სადაც გიგანტური რობოტებია, არ არსებობს ამ ჟანრის ანიმე და იქ რობოტები და ადამიანების მიერ მართული გიგანტური საბრძოლო მანქანები არ იყოს წარმოდგენილი. მექა ხშირად არის სამხედროს, მძაფრსიუჟეტიანის, სამეცნიერო ფანტასტიკისა და ფანტაზიის ჟანრებთან ერთად. მაგ.: Neon Genesis Evangelion, Code Geass, Mobile Suit Gundam და სხვა.
                                                                         კოსმოსი (Space)
ეს ჟანრი ხშირად გვხვდება სამეცნიეროს, მექას, ფანტასტიკისა და ფანტაზიის ჟანრების გვერდით. ანიმეში სადაც კოსმოსის თემაა გამოყენებული, იქნება ეს სივრცეთაშორისი გადაადგილებები თუ კოსმოსური ხომალდებით ბრძოლები, ასეთი ანიმეები სწორედ ამ ჟანრის ქვეშ ერთიანდება. მაგ.: Cowboy Bebop და Knights of Sidonia

პოლიცია/დეტექტივი (Police)
პოლიციელი პერსონაჟების არა ერთ ანიმეში გამოჩენამ და პოპულარობამ გამოიწვია შემდგომში ამ ჟანრის ჩამოყალიბება. პოლიციის ჟანრში როგორც წესი აქცენტი კეთდება პოლიციელი მთავარი გმირების ცხოვრების სირთულეებზე. პოლიციის(დეტექტივის) ჟანრში შედის ასევე ისეთი ანიმეები სადაც მთავარი გმირები არა მაინცდამაინც პოლიციელები არამედ, გამომძიებლები, დეტექტივები და მსგავსი სფეროებიდან არიან. მაგ.: Psycho-Pass, Detective Conan, Death Note და ა.შ.
                                                                         
ფსიქოლოგიური (Psychological)
სახელიდან გამომდინარე ჩანს, რომ ამ ჟანრის ანიმეში ყველაფერი ფსიქოლოგიაზეა დაფუძნებული, ზოგჯერ ფილოსოფიაშიც გადადის და მისტიკის მსგავსად ან კიდევ უფრო მეტადაც კი ითრევს მაყურებელს. მაშინ, როცა მისტიკის ჟანრის ანიმეში თანდათან ნათელი ხდება ყველაფერი, ფსიქოლოგიურ ანიმეში ხშირად მაყურებელი ბოლო მომენტამდე გაურკვეველ მდგომარეობაში რჩება თუ რა მოხდება და ანიმეს დასრულების შემდეგაც აანალიზებს ნანახს. საბოლოო ჯამში შეიძლება ითქვას, რომ ანიმეები რომლებიც მაყურებელში ღრმა დაფიქრებას  და გონების დაძაბვას იწვევს სწორედ ფსიქოლოგიურ ჟანრში  ერთიანდება და ამ ჟანრის ანიმეების სიუჟეტური ხაზი (დ არა მხოლოდ) ერთ-ერთ საუკეთესოდ შეიძლება ჩაითვალოს, ამის კარგი მაგალითია ისეთი ანიმეები როგორიცაა: Death Note, Monster, Ergo Proxy და მრავალი სხვა...
                                                                                                                                                

მისტერია (Mystery)
მისტერიის  ჟანრს მიეკუთვნება ისეთი ანიმეები სადაც საინტერესო, იდუმალი და ამოუცნობი მოვლენებია და მთავარი გმირები თავსატეხის ამოხსნას ცდილობენ, ჩვეულებრივ გმირები მაღალი ინტელექტითაა წარმოდგენილი... როგორც წესი ყველაზე კარგი მისტერიის ჟანრის ანიმე მაშინ გამოდის როცა დეტექტივები, მაძებრები და პოლიციელი პერსონაჯებია ანიმეში. ამ ჟანრის ანიმეებია: Darker than Black, Ajin და ა.შ.

სამეცნიერო ფანტასტიკა (Sci-Fi)
სამეცნიერო ფანტასტიკის ჟანრი ხშირად კომბინაციაში გვხვდება ფანტაზიის, კოსმოსის და მექას ჟანრებთან. ამ ჟანრში სიუჟეტები აგებულია ისეთ თემებზე, რომელიც მთლიანად განვითარებულ ტექნოლოგიებსა და მეცნიერებას მოიცავს. რობოტები, სხვადასხვა სახის მანქანები, სხვა ცივილიზაციები, გალაქტიკათაშორისი/სივრცითი ფრენები, უცნაური არსებები  და ა.შ. მოკლედ ეს ჟანრი მოიცავს იმ ყველაფერს, რაც ჯერ კიდევ მომავლის პერსპექტივაა და რეალურად არ არსებობს. ამ ჟანრის ანიმეებია: Toki wo Kakeru Shoujo, Neon Genesis Evangelion და Cowboy Bebop.

ზებუნებრივი (Supernatural)
ამ ჟანრის ანიმეები სახელიდან გამომდინარეც ჩანს, რომ ზებუნებრივ თემებზეა, ყველაფერ იმაზე რაც არა-ჩვეულებრივია, გაურკვეველი, იდუმალი, მისტიური... ყველაფერი ის, რასაც შესაძლოა რეალობასთან არაფერი ქონდეს საერთო, ანიმეები რომელიც უცნაურ, ამოუცნობი მოვლენებზეა აგებული. ზებუნებრივი ჟანრის ანიმეებია: Mushishi, Durarara!, Noragami და მრავალი სხვა.
                                                                               ვამპირები (Vampire)
ეს ჟანრი თავდაპირველად ზებუნებრივის ქვე-ჟანრი უფრო იყო, თუმცა ამ თემის პოპულარობის ზრდამ ის დამოუკიდებელ ჟანრად ჩამოაყალიბა. სახელი თავისთავად ცხადს ხდის, რომ საქმე ვამპირებს ეხება :) ამ ჟანრის უსაზღრო პოპულარობის გამო ის ხშირად სხვა და სხვა კატეგორიების გვერდით გვხვდება, როგორიცაა სკოლა, კომედია, დრამა, რომანტიკა და მსგავსი.  ამ ჟანრის ანიმეებია: Hellsing, Diabolik Lovers, Shiki და ა.შ.

სუპერძალები (Super Power)
ანიმე სადაც გმირს ან გმირებს ზებუნებრივი, სუპერ ძალები გააჩნიათ (სიჩქარე, ტელეპორტაცია და ა.შ.) სწორედ ამ ჟანრს ეკუთვნის. ასეთი ანიმეები ძირითადად სათავგადასავლო და მძაფრსიუჟეტიანია, და შესაბამის ჟანრებშიც ჯდება. ასეთია მაგ. Naruto, One Punch Man, Bleach და სხვა.

ჯოსეი (Josei)
ანიმე/მანგაში ეს არის ტერმინი, რომელიც განსაზღვრავს, რომ ანიმე/მანგა ზრდასრულ ქალ-მაყურებელსა თუ მკითხველზეა გათვლილი. (დაახლოებით 18-35 წლამდე ასაკის) რეალურად ეს სიტყვა იაპონიაში ნიშნავს "ქალს" თუმცა ანიმე/მანგაში როგორც ჟანრი ისე გამოიყენება. ამ ჟანრის ანიმეში ნაჩვენები თემები ცხოვრებისეულია, ურთიერთობები მეტად რეალისტური და ნაკლებ იდეალისტურია. მაგალითად: Paradise Kiss და NANA
                                                                               
სეინენი (Seinen)
ჯოსეის მსგავსად ეს ტერმინიც განსაზრავს თუ რომელ მაყურებელზეა გათვლილი ესა თუ ის ანიმე. ამ შემთხვევაში, ანიმეები სადაც ეს ტერმინი (ჟანრია) გამოყენებული ნიშნავს, რომ ანიმე მამაკაცებზეა გათვლილი. ამ ჟანრის ანიმეები გაცილებით რეალისტურია, უფრო აგრესიულიც, სისიხლიანი სცენებიც ჭარბობს  და ხშირად არც ინტიმური სცენების ნაკლებობაა. მაგ.: Black Lagoon, Aoi Bungaku Series, Berserk, Gangsta და მრავალი სხვა.
                                                                         სპორტი (Sports)
ანიმეში სადაც წამყვანი თემა სპორტის ნებისმიერ სახეობაა, იქნება ეს კალათბურთი, ფრენბურთი, კრივი, ცურვა თუ ჩოგბურთი. ეს ჟანრი ხშირად გამოიყენება სკოლის და მძაფრსიუჟეტიან ჟანრებთან. ამ ჟანრის ანიმეში ძირითადად მთავარი გმირი ან განსაკუთრებულად ნიჭიერია სპორტის რომელიმე სახეობაში, ან პირიქით და მთელი ანიმეს განმავლობაში ცდილობს უფრო და უფრო გაიუმჯობესოს თავისი სპორტული მიღწევები. ამ ჟანრის ანიმეებია: Kuroko no Basket, Haikyuu! და Hajime no Ippo.

სკოლა (School)
ერთ-ერთი ყველაზე გავრცელებული ჟანრია ანიმეში. ამ ჟანრის ანიმეში მთავარი თემა თავისთავად სკოლაა (საშუალო-უმაღლეი სკოლა), შესაბამისად თემები სკოლის გარშემო ტრიალებს: გამოცდები, საზაფხულო არდადეგები, სასკოლო ფესტივალები, სპორტული ფესტივალები და ცალკეული სპორტის სახაეობები.  ეს ჟანრი ხშირად არის დრამის, ცხოვრებისეულის, რომანტიკის და სპორტის ჟანრებთან მაგ: Tonari no Kaibutsu-kunOokami Shoujo to Kuro Ouji, Rainbow Days  და მრავალი სხვა.
                                                                     
რომანტიკა (Romance)
ესეც ერთ-ერთი პოპულარული ჟანრია. ამ ჟანრის ანიმეები თავისთავად  რომანტიკულ, სასიყვარულო ურთიერთობებზეა აგებული... გმირებს შორის გაჩენილი გრძნობები, განვითარებული ურთიერთობები, იმედგაცრუებები და ა.შ. ყველაფერი ეს არის ამ ჟანრის წამყვანი თემა. რომანტიკის ჟანრი ხშირად არის კომედიის, შოჯოს და დრამის ჟანრებთან ერთად. ამ ჟანრის ანიმეებია: Kimi no Na wa , Ao Haru Ride და The Light of a Firefly Forest.

                                                                         მუსიკა (Music)
ანიმე სადაც ნებსმიერი სახითაა მუსიკის თემა, იქნება ეს ცეკვა, სიმღერა ან უბრალოდ რომელიმე ინსტრუმენტზე დაკვრა, სწორედ ამ ჟანრს მიეკუთვნება. ძირითადად ეს ჟანრი რომანტიკის ჟანრთან ერთად გვხდება. კარგი მაგალითია  Shigatsu wa Kimi no Uso
                                                                         
ცხოვრებისეული (Slice Of Life)
ანიმეები, რომელშიც აქცენტი ცხოვრებისეულ თემებზეა. ამ ჟანრის ანიმეებში ყოველდღიური ცხოვრება მაქსიმალურად რეალისტურ ფერებშია ნაჩვენები. ეს ჟანრი ხშირად არის  რომანტიკის, ჯოსეის და სასკოლო ჟანრებთან ერთად. მაგ.: Byousoku 5 Centimeter და Great Teacher Onizuka.

შოჯო (Shoujo)
ტერმინი რომელიც ასახავს, რომ ანიმე გარკვეული ასაკის გოგოებისთვის არის განკუთვნილი (10-12-დან 18 წლამდე),
ამ ჟანრის ანიმეებში ძირითადად აქცენტი კეთდება ურთიერთობებზე, რომანტიკაზე და პერსონაჟების პიროვნულ ზრდა-განვითარებაზე. მაგალითად: Sukitte Ii na yo

შონენი (Shounen)
ტერმინი რომელიც ასახავს, რომ ანიმე ბიჭებისთვისაა განკუთვნილი (10-დან 18 წლამდე). ეს ჟანრი ხშირად არის ჰარემის, მექას და საბრძოლო ხელოვნების გვერდით. ამ ჟანრის ანიმეებში ხშირია აქცენტები მეგობრობაზე, ასევე დატვირთულია ბრძოლის სცენებით, იქნება ეს გიგანტური რობოტებით თუ ზებუნებრივი ძალების გამოყენება,  ეს ჟანრი ერთ-ერთი პოპულარული ჟანრია. ამ ჟანრის ანიმეა მაგ.: Bleach და მრავალი სხვა.
                                                              ჰარემი (Harem)
ეს ჟანრი ძალიან ხშირად გვხდება რომანტიკისა და კომედიის ჟანრების გვერდიგვერდ. ამ ჟანრში წამყვანი, მთავარი გმირის თემაა (ხშირად მთავარი გმირი ბიჭია), რომელიც მრავალი საპირისპირო სქესის გმირებითაა გარემოცული და თან ახლავს სასიყვარულო/რომანტიული ურთიერთობები. ასეთია მაგ.: Nisekoi

ეჩი (Ecchi)
ის ანიმეები სადაც მსუბუქი ეროტიული ელემენტებიცაა, ამ ჟანრს მიეკუთვნება. ეს ჟანრი ხშირად არის შონენის, სეინენის და ჰარემის ჟანრებთან ერთად. მაგ.: High School DxD

ჰენტაი (Hentai)
"ჰენტაი" იაპონურიდან ითარგმნება როგორც "გარყვნილი". ანიმეები გათვილილია 18+ ასაკის მაყურებელზე. ეჩისგან განსხვავებით, ამ ჟანრში სიუჟეტური ხაზი საკმაოდ პრიმიტიულია და მთავარი აქცენტი პორნოგრაფიაზე კეთდება.

იაოი (Yaoi)
ისეთი ანიმეები, რომელიც კაცთა შორის სექსუალურ კავშირზეა.
იური (Yuri)

ანიმეები, რომელიც ქალთა შორის სექსუალურ კავშირზეა.
скачать dle 11.3

Comments 6
კომენტარის დამატება
Konan
მთავარი მოდერატორი
30 ноября 2017 17:57
31
0
AniLo,
კარგია თუ მოგეწონა და გამოგადგა, ამ სტატიის დანიშნულებაც ეს იყო.(y)
AniLo
მომხმარებელი
30 ноября 2017 00:31
11
+5
es martla gamomadga bevri yofila is janrebi romlebic ubralod ar vicodi an vicodi da ar vicodi XD da isic agmovachine rom aq am statiashi chaotvlili animeebis 10% dzlivs vici xD mokled kaia da gamomadga
Konan
მთავარი მოდერატორი
29 ноября 2017 17:32
31
+1
naruto and hinata123,
ესენი უფრო მანჰვას და მანგას ეხება, ამიტომ ძირითად ჟანრებში აღარ შევიტანე, ))
Webtoon ეს არის სამხრეთ კორეული მანჰვას (Manhwa) online გამოშვება, რაც შეეხება Doujinshi - ეს უფრო მოყვარული ავროტის (ფანის) მიერ შექმნილი ნამუშევარია, რომელიც უკვე გემოცემულ რომელიმე მანგაზეა დაფუძნებული და ძირითადად მცირე ტირაჟითაა.
ასეთი იქნება ამათი მოკლე განმარტება ))
naruto and hinata123
მომხმარებელი
27 ноября 2017 22:37
60
+1
Webtoons,Doujinshi ამ ორის განმარტებაც გააკეთე გთხოვ
lela
მომხმარებელი
23 ноября 2017 17:00
67
+1
Цитата: Konan
ბევრი ვეცადე თუ ცოტა მგონი ურიგო არ გამოვიდა )) თუ სადმე რამე გამომრჩა ან ჩასასწორებელია, დაწერეთ და ჩასწორდება...

Yochag kargi statiaa
Konan
მთავარი მოდერატორი
22 ноября 2017 23:55
31
+4
ბევრი ვეცადე თუ ცოტა მგონი ურიგო არ გამოვიდა )) თუ სადმე რამე გამომრჩა ან ჩასასწორებელია, დაწერეთ და ჩასწორდება...
Информация
Посетители, находящиеся в группе სტუმარი, не могут оставлять комментарии к данной публикации.